قوانين الطبيعة مضحكه

[mohammad-k]

   

 

 

قوانين غير شكل
قانون التلفون:
بحياتها ماصدفت انو تتصل على رقم غلط ويطلع مشغول !! لازم تتخورف وتدفع ع الفاضي


قانون التصليح:
بعد ما تكون بلشت تصليح شغلة كلها شحم، أو عم تغير دولاب السيارة.. بدّو يبلش انفك يحكك مافي مجاااال!!


قانون المعدات والقطع الصغيرة:
إذاوقع منك (أي شي صغير، أو مصاري معدن، أو زهر طاولة) لازم يتدعبل ليوصل لألعن مكان !!


قانون الأعذار:
إذا تأخرت عن الدوام، وقلت لرئيسك أنو سبب التأخير كان"بنشرة"، اليوم اللي بعدو أو بعد فترة بدك تبنشر مو بكيفك واسترجي قلو نفس العذر !!


قانون الدوش:
بعد ما تكون فتت وبلشت بالحمام، بدّو يبقى يرن التلفون لحتى يفجر

قانون الاصطفاف أو الشوارع:
إذا صفيت بطابور بطيء وغيّرتو، رح تلاقي الطابور اللي كنت فيه صار أسرع !!
ونفس الشي بالشوارع إذا غيرت مسارك بتلائي المسار اللي كنت فيه.. طاااار !!


قانون الالكترونيات:
إذا أخذت جهازك المتعطل للمصلح وبدك تفرجيه العطل،(أو حتى إزا عم ترجعو لأن التصليح مو زابط) بلحظتها بيجومس الجهاز وبصير بس بدو يخوزقك ويعمل حالو مافي البلا !!

قانون المصادفات:
إذا كنت مع شخص ومابدك حدا يشوفك، بصير كل اللي بتعرفهن بيطلعو بخلقتك !!



.


أخي هيك !!!؟

الدنيا