استراتيجية المتاجرة بإستخدام الزوايا السعرية
تحديث الباوند التعيس 6-3-2013
على فريم 4 ساعات المرفق لا زال الإتجاه الهابط يسيطر على الموقف وكل ما يطلع فى 10 شمعات ينزل فى شمعة واحدة بطريقة مستفزة . اللى أنا شايفه دلوقت إن بثبات الأسعار الحالية وعدم كسر منطقة ( 1.5060 - 1.5080 ) يكون لدينا بوادر نموذج رأس وكتفبن إيجابى يتزامن مع التذبذب حول الزاوية 270 مما يعطى إنطباع بالصعود المرتقب إن شاء الله إلى الزاوية 180 وسعر 1.5378 بإذن الله . وأنا محتاج للصعود دة علشان أقفل كل عقود الشراء القديمة اللى من أول الموضوع . لكن الصعود محتاج صبر لأن الباوند عملة باردة زى أصحابها . وبالتوفيق للجميع إن شاء الله
متابعة الكندى . تم الخروج من العقدين على نقطة الدخول . ودخلت بيع عقد من 1.0331 بهدف 1.0270 إن شاء الله
متابعة اليورو . هبووووط دموى . دخلت شراء من السعر الحالى 1.2992 بالإضافة لعقدين من الصباح . والهدف للعقود الثلاثة 1.3074 إن شاء الله
- المشاركات
- 82,631
- الإقامة
- قطر-الأردن
مبارك الأرباح ياغالي
الله يبارك فيك أخى أحمد . وإن شاء الله نكون جميعاً من الرابحين . بالتوفيق لك إن شاء الله
gomana
عضو نشيط
- المشاركات
- 1,166
- الإقامة
- مصر-الاسكندرية
مبروك الارباح اخى ياسر والى مزيد من الصفقات الخضرا دايما
اليورو ين فريم 4 ساعات محير جداً . كلاسيكياً إخترق ترندين هابطين وثبات فوقهما بثلاث شمعات مع تقاطع خطوط الموفينج قبل الكسر يبقى زى ما الكتاب بيقول المفروض يكون هدفه هو القمة السابقة .
لكن مع الزوايا عنده مشكلة صغيرة انه لم يتذبذب حول الزاوية 180 ولم يثبت عندها كأنها غير موجودة ويقترب حالياً من الزاوية 270 وحسب ما الكتاب بيقول المفروض يصعد إلى الزاوية 270 ثم يهبط إلى الزاوية 180 .
على العموم هو فى كلتا الحالتين صاعد إن شاء الله إلى 125.35 يعنى على بعد 50 نقطة من الأسعار الحالية وهناك نشوف ناوى يكمل إلى 127.60 ولا ناوى يهبط إلى 123.10 . طبعاً فيه مخاطرة فى الشراء لكن اللى ناوى يدخل فى الصفقة دى لازم لازم يضع استوب لأن النهاردة ممكن يكون يوم خطير فى التداول
لكن مع الزوايا عنده مشكلة صغيرة انه لم يتذبذب حول الزاوية 180 ولم يثبت عندها كأنها غير موجودة ويقترب حالياً من الزاوية 270 وحسب ما الكتاب بيقول المفروض يصعد إلى الزاوية 270 ثم يهبط إلى الزاوية 180 .
على العموم هو فى كلتا الحالتين صاعد إن شاء الله إلى 125.35 يعنى على بعد 50 نقطة من الأسعار الحالية وهناك نشوف ناوى يكمل إلى 127.60 ولا ناوى يهبط إلى 123.10 . طبعاً فيه مخاطرة فى الشراء لكن اللى ناوى يدخل فى الصفقة دى لازم لازم يضع استوب لأن النهاردة ممكن يكون يوم خطير فى التداول